ఈ నాడు మన జాతీయ పర్వదినం. ఇవ్వాళ్టి మన ఆరాధనీయ దేవత భారతమాత !

మాతృదేశ భక్తిని గుండెలనిండా నింపుకుని,  మన తల్లికి మనం ఏయే సేవలు చేసి ధన్యులం కాగలమో ఈ రోజున ( ఈ వారంలో ) స్తిమితంగా కూర్చుని ఆలోచించుకుందామా?

ఆ యోగానికి అష్టాంగములు ఉన్నాయి . అవి – యమ, నియమ, ఆసన, ప్రాణాయామ,

ప్రత్యాహార, ధారణా, ధ్యాన, సమాధులు – అనే ఎనిమిది.

అందులో మొదటి మెట్టు అయిన ” యమము ” ను గురించి ప్రస్తుతం చూద్దాం !

శ్లో || అహింసా సత్య మస్తేయం బ్రహ్మచర్యం దయా22ర్జవమ్ |

క్షమా ధృతి ర్మితాహారః  శౌచం చేతి యమా దశ ||  ( దేవీ భాగవతం – దేవీ గీతలు )

యమములు పది రకాలు :

౧) అహింసా : ఇతరులను శారీరకంగా గానీ, మాటలతోగానీ, మానసికంగా గానీ హింసించకుండుట. అనగా,  ఇతరులకు ఏవిధమైన కష్టనష్టములు కలిగించకుండుట.

౨) సత్యం : నిజమునే పలుకుట. పరుల హితమునకు భంగము కలుగు సందర్భములలో

సత్యమే చెప్పవలెననే నియమము లేదు. మనస్సులో అన్యథా భావిస్తూ, వాక్కులో మాత్రం

నిజం ఉన్నా ( కాపట్యం ఉంటే ), అది సత్యవాక్కు కానేరదు.

౩) అస్తేయం :  దొంగతనం చేయకుండుట. మనసులో కూడా అట్టి భావన రానీయకుండుట. అనగా, పరుల సొమ్ముకు ఆశ పడకుండా ఉండుట.

౪) బ్రహ్మచర్యం : ముఖ్యార్థము పరబ్రహ్మము ( పరమాత్మ ) నందు మనస్సుతో విహరించుట. సాధనలో – బ్రహ్మచర్యము అనగా, జీవానికి, ప్రాణశక్తికి మూలమైన వీర్య-రక్షణము. వివాహాత్ పూర్వం ఉన్న బ్రహ్మచర్యాశ్రమంలోనే గాక, వివాహమైనాక వచ్చే గృహస్థాశ్రమంలో కూడా, కొన్ని నియమాలను పాటిస్తూ ఉంటే బ్రహ్మచర్య-పాలన చేసినట్లేనని

పురాణాది శాస్త్రాలద్వారా, ఋుల ఉద్బోధ ! దానివలన ఓజస్సు, తేజస్సు, మేథా శక్తి పెరిగి, యోగ్యులైన సత్సంతానాన్ని పొందే అవకాశం పెరిగి తీరుతుంది; ఉన్నత లక్ష్యాల సాధనకు అవసరమైన శక్తియుక్తులు అలవడతాయి కూడా.

౫) దయా : జాలి, సానుభూతి; పరులకు ఎట్లా సహాయ పడగలమా అన్న తపనతో కూడిన ఆచరణ.

౬) ఆర్జవం : ఋజుత్వం. వక్రత లేకుండటం. నిష్కపటంగా ఉండటం. త్రికరణ శుద్ధి కలిగి ఉండటం. అనగా – మనో-వాక్కాయ కర్మలలో ఏకీభావం ఉండటం.

౭) క్షమా : సహనం, ఓర్పు కలిగి ఉండటం. వారిని నిమిత్తమాత్రులుగా భావించి, క్షమించే గుణం కలిగి ఉండటం.

౮) ధృతిః : ధైర్యం కలిగి ఉండటం. కష్టములు, ఆపదలు వచ్చినా  చలించకుండా స్థిరంగా నిలబడ గలగటం. ” నాకు అండగా దేవుడుండగా, నాకేల యితర చింతలు ” అనే స్థైర్యం !

౯) మితాహారః : ఆహార నియమములు పాటించుట. అనగా  న్యాయార్జితమైన  ధనముతో

సంపాదించిన ఆహారమును సేవించుట. రుచికన్నా ముఖ్యంగా శుచిగా, పథ్యంగా, హితకరంగా ఉన్న ఆహారాన్ని మితంగా ( తగు పరిమాణంలో ) సేవించుట. ధ్యానం సిద్ధించటానికి ఇది కూడా చాలా అవసరం.

౧౦) శౌచం : శుద్ధి; పరిశుద్ధత.  బాహ్య శుద్ధి; అంతశ్శుద్ధి. స్నానాదులు, త్రిపుండ్ర ( భస్మ, తిలక )ధారణలు మొ. వాటివల్ల బాహ్య శారీరక శుద్ధి కలుగుతుంది. మనస్సుయొక్క మాలిన్యాలు పోగొట్టుకుంటే అంతఃకరణ శుద్ధి అనేది వస్తుంది.

సర్వ మానవులకూ సహజంగానే మనస్సులో  -

సంకుచితత్వం ( స్వార్థం );

బహిర్ముఖత్వం;

చాంచల్యం;

అనే మూడు దోషాలు ఉంటాయి .

ఈ దోషాలు పోవాలంటే, వాటికి వ్యతిరేకమైన ఈ క్రింది మూడు విషయాలను ప్రయత్న పూర్వకంగా సాధన చేయాలి:

విశాలత్వం ( ఉదారత్వం, పరహిత-కామన )-(ఈశ్వరార్పణ బుద్ధితో చేసే నిష్కామకర్మల వల్ల వస్తుంది.);

అంతర్ముఖత్వం – ( దేహ, ఇంద్రియ, ప్రాణ, మనో, బుద్ధులను దాటి, బుద్ధిసాక్షి వరకు ప్రయాణం );

ఏకాగ్రత. ( ధ్యానం,  ఉపాసనల వల్ల వస్తుంది. )

నా ఆధ్యాత్మిక స్థాయి ఏమిటి ? నాకు తగిన సాధన అంటే ఏం చేయాలి, ఎట్లా చేయాలి అని

కింకర్తవ్యతా విమూఢతతో కాలవ్యయం చేసేబదులుగా, అన్ని సాధనలకూ మొదటి సోపానమైన ఈ ” యమ – దశకము ” ను భావనాత్మకంగానూ, ఆచరణాత్మకంగానూ అలవరచుకుంటే, సాధనకు బలమైన పునాది పడినట్లే గదా !

NOTE : Please click on the title ” SANATANA SAADHAKA SAMASHTI ” at the top of this POST, to get a view of the side-bar. Then you may click on other related topics also for more insight.

ధ్యానం ఎట్లా చెయ్యాలి?

ధ్యానము ఒక మానసిక ప్రక్రియ.

బహిర్ముఖముగా నున్న ఇంద్రియములను మరల్చి, సుఖాసనములో
కూర్చుండి, మనస్సుతో ” నాకు సుఖము, శాంతి కలుగుగాక!” అని
దైవప్రార్థన చేస్తూ, మనస్సుతో ఇష్ట దైవం యొక్క రూపాన్ని
తల్చుకుంటూ, నామాన్ని జపిస్తూ, కూర్చోవటమే ధ్యానం..

రూపం కన్నా నామం గొప్పది; రూపం కనబడినా, కనబడకపోయినా,
లేక వేరే రూపం కనబడినా, నామం మాత్రం మార్చకూడదు.
ఎందుకంటే, మనస్సు యొక్క చంచలత్వం పోయి, స్థిరత్వం రావాలి కాబట్టి.

నామం కన్నా తత్త్వం గొప్పది కాబట్టి, అదే నామాన్ని కొనసాగిస్తూ,
ఆ పరమాత్మ నా లోనే కాదు; అందరిలోనూ నిహితమై ఉన్నాడు – అన్న
భావనతో ధ్యానం కొనసాగించాలి.

ఇక్కడ, నాకు కలుగు సుఖం, శాంతి, ఆనందం అందరకూ కలుగు గాక -
అన్న భావన చేస్తూ ధ్యానం చేయాలి.

ఈ భావనలో స్థిరపడిన తరువాత, “పరమాత్మ అందరిలోనే కాదు;
లోపలా బయటా అంతటా ఆ పరమాత్మ నిండియున్నాడు”;
అనగా ” అంతా రామమయం – జగమంతా రామమయం “;
” అంతర్బహిశ్చ తత్సర్వం వ్యాప్య నారాయణః స్థితః “
అన్న ఏకాత్మ భావనలో మనస్సును స్థిరముగా ఉంచుటయే
సమాధి స్థితి.

దీనివలన మనస్సుయొక్క బహిర్ముఖత్వము పోయి అంతర్ముఖత్వంలో
నిలబడుటకు దోహద పడును.

దీనికి గాను సత్సంగం, సద్గ్రంథ పఠనం, సద్బోధ, సద్భావనల ద్వారా
నిర్మోహత్వము, నిశ్చలత్వము కలిగి; తద్ద్వారా సత్కర్మ – అనగా
లోకసంగ్రహార్థం నిష్కామ కర్మ – ద్వారా చిత్తశుద్ధిని బడసి,
ఆత్మజ్ఞానమును పొంది, ఆ జ్ఞానముతో పరమాత్మ దర్శనమును
పొందుటకు వీలగును. ఆత్మజ్ఞానము కలుగుటయే ” మనోలయము”, “
మనో-నాశనము” అంటారు. అదే జీవన్ముక్త స్థితి !

NOTE :

Please click on the Title of this Blog at the top
of this Post. Side-bar will be visible. Then you
may click on various related topics of your interest.

KHAJAANAALU ( Archives ) gives the posts
of each Month in date-order.
VARGA MEGHAM ( Categories Cloud ) gives all
posts of that Category ( Topic ) together at one place.
ITEEVALI JAABULU ( Recent Posts ) shows the
recent Posts, the latest – at the top of the list.

There are ” PAGES ” also in the Side – Bar,
for ALL – TIME REFERRABLE TOPICS.

ఈ సమావేశంలో పాల్గొన్న సభ్యులు:  సర్వశ్రీ

(హైదరాబాద్ నుంచి ) :  విష్ణుభొట్ల శివానంద శాస్త్రి గారు,

(విజయవాడ నుంచి ) : మల్లెల శ్రీరామమూర్తి, సుబ్బలక్ష్మి దంపతులు,

        భాగవతుల శ్రీనివాస రావు, సామ్రాజ్యలక్ష్మి దంపతులు,

(అనపర్తి నుంచి ) :  కోకా జగన్నాథ రావు, డాక్టర్ శ్రీలక్ష్మి దంపతులు,

                               కోకా నరేన్ (USA)గారు,

                              A.V. రాఘవ రావు, C.A. - దంపతులు,

                              కృష్ణా రెడ్డి గారు,

( రేబాక నుంచి ) :  గొట్టుముక్కల శ్రీహరిరాజు గారు,

                              M. నరసా రావు మాష్టారు గారు,

(విశాఖపట్టణం నుంచి ) : పందిళ్ళపల్లి పూర్ణచంద్ర రావు గారు,

         B.V.రమణారావు గారు, B.వెంకటేశ్వర్లు గారు,

           Ch.శ్రీనివాస్ గారు, K.G.S. శర్మ గారు,

ఇంకా ఇతరులు పాల్గొన్నారు.

సనాతన ధర్మం, భారతీయ సంస్కృతుల విషయంలో, జనులలో అపోహలు తొలగించి, అవగాహన పెంచి, సమన్వయ దృక్పథం కలిగించే విధానాల గురించిన్నీ, మరియు మనకు క్రొత్తగా వెబ్-సైటును ఏయే పద్ధతులలో అభివృద్ధి చేయాలి అనే అంశం గురించిన్నీ ప్రయోజనకరమైన చర్చలు జరిగాయి. అలాగే సభ్యులలో ఎవరెవరికి ఏయే విషయాలలో అభిరుచి, ఆసక్తి ఉన్నాయో, ఆయా అంశాలలో  సంపూర్ణ సహకారం అందిస్తామని ముందుకు రావటం జరిగింది.

వెబ్ సైటు నిర్మాణం పూర్తి అయ్యేవరకు ఈ బ్లాగులో మన SSS కు సంబంధించిన అనేక అంశాలపై ప్రతి వారం సులభ వివరణలు ఇచ్చే ప్రయత్నం చేస్తూ ఉంటాము.

17-06-10 గురువారం నాడు ఉదయం రేబాక సమీపంలోని గుల్లిపాడు గ్రామంలో హనుమత్-సీతా-లక్ష్మణ- సమేత శ్రీరామచంద్రుల విగ్రహ ప్రతిష్ఠా మహోత్సవం శ్రీ జగన్నాథరావు, శ్రీమతి శ్రీలక్ష్మి దంపతుల, కుటుంబ సభ్యుల ప్రోత్సాహ-సహకారాలతో కన్నుల పండువగా జరిగింది.

Sri Vemuri Poornanandam garu and I travelled by Ratnachal Express and reached Samalkot by 10 a.m.on 20-03-2010. There Sri Koka Jagannatha Rao picked us up and took us to Rebaka in his car by 12 noon. On the way, he arranged darshanam  of Lord Sri Annavaram Satyanarayana Swamy’s hill-foot temple.

రేబాక దగ్గర  వారి ” Dr. Sri Lakshmi Asramam ” లొనే బస ఏర్పాటు చేశారు.కొండలమధ్య అరణ్య వాతావరణంలో, ఆ ఆశ్రమం ప్రశాంత రమణీయంగా ఉన్నది.  సమావేశపు మఖ్య ఉద్దేశ్యమైన వెబ్-సైటు తయారీ గురించిన చర్చలలో శ్రీ జగన్నాథ రావు గారు  ఆచరణయోగ్యమైన చక్కని ప్రణాళికను తయారుచేయటంలో  ప్రధానపాత్ర వహించారు. ఇంకొక సభ్యుడైన శ్రీ విష్ణుభట్ల శివానందశాస్త్రి గారు  రాలేకపోయినందున, మధ్య  మధ్యలో వారితో ఫోనులో సంప్రదించటం 

 జరిగింది. మన కార్యకర్తలందరికీకూడ చాలా ఉపయోగకరంగా ఉండే విధంగా చక్కని ప్రణాళిక రూపుదిద్దుకుంది. వివరాలు త్వరలోనే తెలియజేస్తాము.

శ్రీ పూర్ణానందం గారి ఆధ్వర్యంలో పై విషయంలోనేగాక, ఇంకా చాలా ఇతర సాంస్కృతిక విషయాలపైకూడా చర్చలు జరిగాయి. రేబాక గ్రామపు ప్రెసిడెంటు శ్రీ రాజుగారు కూడ ఒక సమావేశంలో పాల్గొన్నారు.

ధ్యానకేంద్రంగా ఉపయోగించదగ్గ అతి ప్రశాంతసుందర ప్రదేశానికి తీసుకువెళ్ళారు శ్రీ జగన్నాథ రావుగారు. 82 సం.ల వయస్సులోకూడా, శ్రీ పూర్ణానందం గారు గుట్టలమధ్య ఉన్న ఆ ప్రదేశానికి ఉత్సాహంగా నడిచి వచ్చారు ! వారి కార్యదీక్ష, ఉత్సాహం, నిబద్ధత మనకు అనుసరణీయాలు !

రెండు రోజుల పాటు జరిగిన సఫల సమావేశానంతరం, ౨౨-౦౩-౨౦౧౦ (22-03-2010) సోమవారం ఉదయం 7.30 గం.ల కల్లా తుని స్టేషనులో జన్మభూమి ఎక్స్ ప్రెస్ ఎక్కి హైదరాబాదుకు వెళ్ళారు శ్రీ పూర్ణానందంగారు.

భాగవతుల శ్రీనివాస రావు.

1-5-2010     …   to Vijayawada

2-5-2010     …   to Hyderabad

14-5-2010   …   to New Delhi

17-5-2010   …   back to Hyderabad

*****************************

(II) RECORD OF PREVIOUS  TOUR – PROGRAMMES :

20-03-2010  : To Rebaaka ( with Sri Koka Jagannaatha Rao , and Sri Bhagavatula Sreenivasa Rao.)– to finalise the Web-site Planning. Sri Vishnubhotla Sivananda Sastry, the other member of the Web – Committee could not be present.

22-03-2010 : To Hyderabad.

26-03-2010 : To New Delhi, etc.

29-03-2010 : back to Hyderabad.